चालू होतई आंगनवाड़ी

पढ़ाई से वंचित बच्चा
पढ़ाई से वंचित बच्चा

जिला सीतामढ़ी, प्रखण्ड रीगा, पंचायत, गांव कुसमारी। उहां वार्ड नम्बर ग्यारह में आंगनवाड़ी केन्द्र न हई। जेई कारण उहां के बच्चा अउर गर्भवती मां के पोषाहार न मिलई छई।
उहां के सुमित्रा देवी, किरण देवी, सुनौना देवी कहलथिन कि हमरा सब के घर में छोट-छोट दु तीन बच्चा हई जे स्कूल न जाये वाला हई। अउर आंगनवाड़ी रहईत त बच्चा ऐने ओने न जाके केन्द्र पर जाईत। सब जगह के गर्भवती मां, धातृ मां, कुपोषित अउर अतिकुपोषित बच्चा के चावल, दाल मिलई छई। इहां कुछो के लाभ न मिलई छई। आशा आके दवा सूई देई छथिन।
वार्ड सदस्या रीना देवी के पति कमलेश राउत कहलथिन कि इहां केन्द्र पहिले खुलल रहई। लेकिन सेविका के शिक्षिका में नौकरी हो गेलई तहिया से इहां केन्द्र बंद हो गेलई। अब खाली जगह पर केन्द्र खोले के लेल आवेदन जमा भेलई। अब कहिया से खुलतई। उ विभागीये लोग बतईथिन।
समेकित बाल विकास परियोजना के सुपरवाईजर रेखा कहलथिन कि अभि आवेदन जमा कयल गेलई। लेकिन पैक्स चुनाव के लेके बहाली के प्रक्रिया न हो रहल हई।