चालिस बिगहा जरिगै गन्ना

taza finalजिला फैजाबाद, ब्लाक मया, गांव रेवरी।  20 नवम्बर 2014 का दुपहरे लगभग एक बजे आग लागै से चालिस बिगहा गन्ना जलिगै। जेसे लगभग दस लाख कै नुकसान होइगा।
भरतलाल सिंह बताइन कि राजेन्द्र गौड़ दुपहरे के समय खेत मा पैरा फूंके रहिन। जब गन्ना मा पकड़ लिहिस तौ अपनै बुझावै लागिन। लकिन सूखी पाती एक दुसरे का पकरत गै। अउर हमैं खबर नाय करिन। हमार तौ दुई साल कै विकास रूक गै। दसन लाख कै नुकसान होइगै। गंाव वाले बताइन कि रोटावेटर आधा खेत मा चलाये रहेन लकिन कउनौ असर नाय पड़ा। अग्निषयन का फोन कइगा लकिन नाय आय। लेखपाल, कानूनगो अउर तहसीलदार सर्वे कइके लइगा अहैं। मुआवजा के ताई कहे बाटिन। धनन्जय सिंह बताइन कि जवन गन्ना जला बाय वका क्रेसर वाले लियै का तैयार नाय बाटे। अउर मील वाले जेतना हर गन्ना कै दाम दियाथिन वकरे आधा दाम मा लेइहैं। अउर पैसा दुई साल बाद देइहैं।
राजेन्द्र प्रसाद कै महतारी सुमित्रा बताइन कि हमसे गल्ती होइगै बाय। इनकै जेतना नुकसान भै बाय वका दीन जाये। हमार लड़का डर के मारे घरे नाय आवत। सब मारै का कहाथिन।
गोषाईगंज थाना कै लेखाकार छोटेलाल यादव बताइन कि रिपोर्ट दर्ज नाय कराइन। सूचना मिली रही। आपस मा सुलह कै लिहिन।