चार महीना पहिले भे रहै शादी

banda mahila mudda naianiजिला बांदा, ब्लाक नरैनी, मोहल्ला सुभाष नगर। हेंया के रेहाना बानो का आरोप है कि लड़कियन के शादी कीने चार महीना नहीं बीत कि दहेज कम मिलैं के आड़ मा लड़कियन का निकारैं मा लाग हैं। मैं पुलिस प्रशासन अउर राष्ट्रीय महिला आयोग का रजिस्ट्री भेज के कारवाही करैं के मांग करे हौं।

रेहाना बानो बताइस कि 9 मई 2015 का मैं आपन दुई लड़कियन के शादी छतरपुर जिला के बारीगढ़ गांव मा नाजिर अउर निसार के साथै करेंव। शादी बाद ससुराल वाले पचास-पचास हजार रुपिया, दुई मोटर .साइकिल अउर दुई फ्रिज मांगत हैं। रोज मारपीट कइके कहत हैं कि तलाक या दहेज मिलैं के बाद मारपीट बंद होई। चार-चार दिन तक कमरा मा बेड़ के खाना पानी भी नहीं देत आय। बड़ी लड़की का दुई महीना का गर्भ दवाई खवा के गिरवा दिहिन। अगर प्रशासन जल्दी कारवाही न करी तौ लड़कियन के जान का भी खतरा है।