चार बकरी संग घर को निगल गई चित्रकूट जिले के ओबरी गांव में लगी भीषण आग

जिला चित्रकूट, ब्लाक मऊ, गांव ओबरी मा 4 मार्च का आगी लागे से घर समेत चार बकरी जल के रख होइगें हवै। घर मड़ई वा समय दूसर गांव मा फगुवा गावै गें रहै।
राजू बताइस कि लगभग दस बजे आगी लाग रहै। हम वा समय फगुवा गावै अउर घर के मेहरिया खेत काटे गई रहै। घर मा छोट-छोट बच्चा बस रहे हवै तौ उंई आगी लगा के भाग गें हवै। तबै चार बकरी जल के मर गई हवै। लेखपाल अउर डाक्टर लिख के लइ गें हवै अउर बकरी के पोस्टमार्टम करावै का कहि गें रहै पै हम गरीब मड़ई पोस्टमार्टम करावै कहां जई।
प्रधान प्रतिनिधी संत कुमार का कहब हवै कि राजू गरीब हवै, कउनौतान आपन परिवार पालत हवै।
कानून गो मिस्री लाल का कहब हवै कि बकरी का पोस्टमार्टम न होई तो मुआवजा न मिली। जउन घर जला हवै वहिकर मुआवजा बत्तीस सौ मिली।

रिपोर्टर-  सुनीता देवी

Published on Mar 6, 2018