चलत हवै सोशल आडिट का काम

k gonv seजिला चित्रकूट, ब्लाक कर्वी, गांव कर्वी माफी। हिंया 3 अउर 4 जनवरी का सोशल आडिट के तहत मनरेगा योजना का सर्वे कीन गा। सर्वे करै मा टीम का बहुतै समस्यन का सामना करै का परा हवै।
टीम के सदस्य मंगली प्रसाद यादव का कहब हवै कि 30 दिसंबर से कर्वी ब्लाक के पंचान्बे ग्राम पंचायत मा सोशल आडिट के तहत मनरेगा अउर इंद्रा आवास के तहत सर्वे चल रहा हवै। जेहिमा कर्वी माफी गांव मा मनरेगा के तहत सर्वे कीन गा। मड़इन के जाबकार्ड मा ज्यादा दिन के मजूरी चढ़ी हवै, पै मड़ई कम दिन काम करिन हवै। बाकी दिन के मजूरी का रुपिया प्रधान लइ लिहिस हवै। या बात जर्ब मड़इन का बताइ गे तौ उंई परेशान होइगें। सर्वे करै मा मड़ई तौ आपन समस्यन का बता देत हवै, पै मजूरी का रिकार्ड सचिव अउर रोजगार सेवक से नहीं मिल पावत हवै। सबहिन से ज्यादा सर्वे करै मा या समस्या आवत हवै।