चना के बीज खातिर किसान परेशान

turra nagnedhee 2जिला बांदा। या समय किसान चना के बुआई के तैयारी मा है। बीज न मिल पावैं से सबै किसान बहुतै परेशान हैं। 7 नवम्बर का अतर्रा राजकीय बीज भंडार मा लगभग दुई सौ किसानन चना का बीज दीन गा है।
ब्लाक नरैनी का गांव तुर्रा। हेंया के चुन्ना का कहब है कि वहिके दुई एकड़ खेत मा एक पसेरी चना के बीज के जरूरत है। एक हफ्ता से रोज लउटत हौं, पै बीज नहीं मिलत आय। श्रीराम, सुनीता, रेनू, श्यामलाल कहिन कि यहिके पहिले सोसाइटी सचिव मनमाना बीज दिहिस है। यतना ज्यादा बीज दीन गा है कि कतौ-कतौ के किसान वा बीज खरीद के गांव मा बेचिन भी हैं।
भारतीय किसान यूनियन के तहसील अध्यक्ष विनोद कुमार सिंह का कहब है कि कउनौ किसान बहुतै ज्यादा तौ कउनौ किसान का एकौ नहीं दीन गा आय।
अतर्रा राजकीय बीज भंडार प्रभारी लेकनारायण निरंजन का कहब है कि चालिस कुन्तल कुल बीज आवा है। पचपन किसानन का बीज मिल चुका है। या बीज भंडार मा एक सौ पचास किसानन के नाम रजिस्टर मा चढ़े हैं। यतने किसान के बीच कुल पचास हेक्टेयर जमीन का बीज दें का लक्ष्य है। तहसील दिवस मा दरखास दें से अब बेगैर लक्ष्य के तुर्रा गांव के सब किसानन का बीज दें का कहा गा है।