चक दे इण्डिया की धुन में है यूपी की महिला हॉकी खिलाड़ी

बांदा जिला के राइफल क्लब मैदान मा 26 से 31 जनवरी तक डाक्टर गिरजाशंकर मेमोरियल राज्यस्तरीय हाकी टूर्नामेंट खेला गा हैं। हेंया बारह लड़का अयर पांच लड़कियन के टीम भाग लिहिन हैं।
बांदा के अंशिता त्रिपाठी का कहब है कि झांसी, रायबरेली अउर लखनऊ खेले जा चुकी हौं। जबै मैं पहिले दरकी खेले हौं तौ बहुतै नींक लाग है। मोर महतारी बाप नींकतान खेले का अउर पढ़े का कहत हैं। ख्याति सिंह का कहब है कि पहिले दरकी खेले मा बहुतै नींक लाग है। मेरठ के पूजा का कहब है कि हेंया खेले मा बहुतै नींक लाग है। जनता, अधिकारी सबै सहयोग करत हैं। शिवानी सिंह बताइस कि खेल मा परिवार का सहयोग मिलत है तौ नींक लागत है। बरेली के महजबीन मंसूरी का कहब है कि हेंया का मैदान बहुतै नींक है। चाहे जेत्ते बार खेली पै लागत है पहिली दरकी खेलित है।
बांदा टीम के कोच जावेद अहमद का कहब है कि जनता का जागरूक करै खातिर हाकी का मैच करावा गा है अउर यहिमा लड़कियन के टीम का भी शामिल कीन गा हैं। डाक्टर गिरजा शंकर के याद मा या मैच करावा गा है।

रिपोर्टर- गीता देवी और शिवकली

Published on Jan 31, 2018