घर की पाबंदियो को तोड़ राजनीति में नाम कमाने चुनाव मैदान में उतरी चित्रकूट जिले की सविता मोदनवाल

पिछले पच्चीस साल से राजनीति करै वाली सविता मोदनवाल चित्रकूट जिला, ब्लाक रामनगर के राजापुर कस्बा के रहै वाली आय वा कांग्रेस पार्टी कइत से सभासद पद खातिर चुनावी मैदान मा उतरी हवै परिवार के रोकटोक के बादौ आपन अधिकार खातिर घर के पाबंदी तोड़ के आपन राजनीति सफर मा आगे बढ़त हवै आओ जानित हवै वहिके राजनीति सफर के बारे मा-
सवाल – तुम केत्ती पढ़ाई कीने हौं अउर तुम्हार आय का, का साधन हवै
जवाब – मैं बारह तक के पढ़ाई कीने हौं मोर हलवाई का छोट धंधा हवै
सवाल – तुम का सोच के चुनाव लड़त हौं
जवाब – जनता के विकास करावें खातिर मैं चुनाव लड़त हौं
सवाल – जनता का विकास कउनतान कराइहौं
जवाब – बिजली पानी के व्यवस्था अउर राशनकार्ड बनवाइहौं जउन सरकारी योजना आवत हवै वहिकर लाभ जनता तक पहुंचाइहौं
सवाल – जबै पहिली दरकी राजनीति मा आई हौं, तौ का चुनौती का सामना करै का पड़ा हवै
जवाब – वा समय तौ बहुतै विरोध भा रहै काहे से या पिछड़ा इलाका आए हिंया मेहरियन का आगे आवे मा खराब माना जात हवै तबै मोहिका बहुतै कंटीली बात सुनें का मिलत रहै बहुतै मुसीबत पार करै के बाद मैं हिंया तक पहुंची हौं तौ  पीछे मुड़ के नहीं देखेव
सवाल – मेहरियन खातिर का संदेश हवै
जवाब –मेहरियन का मैं संदेश दे चाहत हौं कि उंई  भी हमार जइसे आगें बढ़ै एक दुसरे का सहयोग करै अउर आपन नाम ऊंच करै पर्दा मा रहब बीएस मेहरियन का काम न होय

बाईलाइन-सुनीता देवी और सहोद्रा

Published on Nov 17, 2017