गेदहरन का उधार पिलावा जात दूध

05-08-15 Faizabad - BSA Office webजिला फैजाबाद, ब्लाक पूराबाजार अउर तारुन। प्राइमरी स्कूलन मा गेदहरन का दूध पिलावै कै नियम तौ नये सत्र से लगाय दीनगै लकिन बजट नाय पास भै। प्रधानाध्यापक कब तक उधार दूध पिलावैं।

पूराबाजार के अटरावां प्राइमरी विद्यालय कै प्रधानाध्यापक चक्रवर्ती सिंह बताइन कि गंाव से अबहीं तक पैंतिस लीटर दूध उधार लिया गै बाय। कुल कीमत एक हजार चालिस रुपया भै बाय। पैंसठ गेदहरन का दूध पिलावा गै बाय। प्रधान उधार देवाय दियत अहैं नाहीं तौ कहां से पिलाय जात? अबहीं तक वइसेन तेल, मसाला सब्जी के ताई पैसा कम परत रहा अब दूध कै अलग से बजट नाय बाय। सब गेदहरन का दुई सौ मिलीलीटर दूध पिलावा जात बाय।

अटरावां कै प्रधान भोलानाथ वर्मा बताइन कि हम उधार दूर देवाय दियत हई। कब तक उधार दूध के दे? सरकार के तरफ से फूटी कौड़ी भी नाय आवत बाय।

वहीं तारुन दांदूपुर प्राथमिक विद्यालय कै प्रधानाध्यापक सुरेन्द्र वर्मा बताइन कि हर बुधवार का गेदहरन का दूध पिलाय जात बाय। सरकार नियम तौ लगाय दिहिस लकिन बजट नाय पास करिस।

जिला बेशिक शिक्षा अधिकारी प्रदीप कुमार द्विवेदी बताइन कि अलग से कउनौ नियम नाय आय बाय। कनर्वजन कास्ट से गेदहरन का दूध पिलावा जात बाय। जवन ऊपर से आदेश बाय।