गेट पर ताला घर में लाश, किसने की ममता की हत्या? बांदा जिले के दामुगंज मोहल्ले की घटना

जिला बांदा, ब्लाक नरैनी, कस्बा अतर्रा के अतर्रा के दामूगंज मुहल्ला मा सुंदर यादव के घर मा ममता के लाश पड़ी है। मुहल्ला के मड़इन का कहब है कि घर मा कोउ नहीं आय।ताला लाग रहै। पता चलत है कि या घटना सुबेरे के आय पै शाम तक कउनौ का पता नहीं लाग। मुहल्ला के सब मड़ई अउर पुलिस के रहे मा एस डी एम घर के ताला खोलिन हैं। अब देखौ जांच मा हत्या का कउन कारन निकल के आवत है। पड़ोसी पिंटू बताइस कि  सुंदर यादव के मेहरिया के कउनौ हत्या कइ दिहिन है सुंदर यादव ड्राइवर रहै। सुनीता बताइस कि सुंदर यादव नींक मड़ई नहीं रहा आय चोरी का सामान खरीदत रहै।ममता का भगा के लावा रहै अउर दुइ चार दिन मा मार डालिस है।
अतर्रा थाना के एस ओ दुर्विजय सिंह का कहब है कि जबै घटना के पता चली तौ पुलिस अउर एस डी एम मौके मा पहुंच के ताला खोलिन हैं। लाश का पंचनामा कइ के पोस्टमार्टम खातिर भेज दीन गा है जांच चलत है।
रिपोर्टर-गीता देवी

Published on Dec 8, 2017