गाली दें मा भे लड़ाई

जिला चित्रकूट, ब्लाक रामनगर, गांव देऊधां, पुरवा खोर। हिंया के अट्ठारह साल के बच्ची नाम के लड़की का आरोप हवै कि बच्चा नाम का मड़ई 23 दिसम्बर का मारिस हवै। यहिके रपट रैपुरा थाना मा लिखावैं गे रहै, पै पुलिस रपट नहीं लिखत आय।
पुरवा के बच्ची कहत हवै कि बच्चा हमरे घर के लगे आ के गाली देत रहै। मैं मना करेंव तौ मारपीट करिस हवै। बीच बचाव करै खातिर बाप श्रीकेशन अउर बच्चा के परिवार के शांती आ गे। यहै से मोरे अउर बाप के अंदरुनी चोटै आई हवैं। 23 दिाम्बर से 27 दिसम्बर तक रैपुरा थाना मा रपट लिखावैं खातिर चक्कर लगायेंव, पै रपट नहीं लिखी गे हवै। यहै से नियाव खातिर परेशान हौं। बच्चा के परिवार के शांती का कहब हवै कि बीच बचाव करै खातिर गई रहौं, पै मोहिका खुदै बच्ची का बाप श्रीकेशन मारिस हवै। मोरे मुंह से खून बहै लाग हवै। यहिके रपट रैपुरा थाना मा लिखाये हौं।
रैपुरा थाना के दीवान गोरेलाल का कहब हवै कि रपट लिख लीन गे हवै। श्रीकेशन के खिलाफ 323 ( मारपीट) के धारा लाग हवै।