गांव में नइयां शौचालय

DSCN1267
शौचालय खे करत मांग

जिला महोबा, ब्लाक पनवाडी, गांव महोबकण्ठ। ई गांव में आदमियन खे शौचालय नई बने आय। जीसे ऊ शौचालय खे मांग करत हें।
कमलेश, अमरिया ओर मदनलाल ने बताओ के ई गांव में एकऊ शौचालय नई बने आय। जीसे हम खा टट्टी होय खे लाने गांव से बाहर एक किलो मीटर दूर जाने परत हे। कस्तूरी बताउत हे कि हमाई तो गुजर गई, पे बहुएं नातिने गांव से बाहर खेतन में टट्टी होय जात हें। जीसे हमंे बोहतई डर लगो रहत। काय से जमाना सही नइयां। तनक देर हो जात हे तो चिन्ता सी बनी रहत हे। काय से आये दिन बहू बिटियन के साथे घटना होत हे। एई से लागत हे कि घर में शौचालय बन जाये तो नींक हो जाय।
प्रधान मातादीन ने बताओ कि दो महीना पेहले गांव में शौचालय बनवाये खे लाने प्रस्ताव बना के ब्लाक में भेजो हे। अगर ओते से शौचालय बनवाये खा बजट पास हो जेहे। तो आदमियन खे शौचालय बनवा दये जेहे।