गांव में कूड़ा को लगो अम्बार

bhaisari gao safayi copyजिला महोबा, ब्लाक चरखारी, भैसारी, वार्ड नम्बर 5 ओर 7 में पांच महिना से सफाई नई भई हे। बिमारी से बचे ओर गन्दगी से छुटकारो पायें के लाने आदमी अपने हाथ से सफाई करें खा मजबूर हे। प्रधान भी ईखे लाने कछू ध्यान नई देत हे।
विन्द्रावन राजपूत, कडोरी राजपूत ओर किशोरी लाल धेबी कहत हे की पांच महिना से सफाई न होये के कारन गांव में गन्दगी को अम्बार लगो हे। गाव मे बिमारी फेले को डर लगो हे। जभे बदबू ओर गन्दगी से नईं रेह जात हे तो अपने द्वारे की खुद से सफाई कर लेत हे। काय से गन्दगी के कारन द्वारे मे बेठ नईं पाउत हे। न ही हमाये बच्चा खेल पाउत हे। प्रधान रामकृाल कहत हे की गांव मे एक सफाई कर्मी हे। ऊ रोज सफाई करन आउत हे। पे अभे बीस दिन से सफाई करन नई आओ हे। अब हम ब्लाक से दूार सफाई कर्मी की मांग करहे।
एसई ब्लाक जैतपुर, गांव लेवा को प्रधान भगवन चरण कहत हे की 5 साल से सफाई कर्मी की मांग करत हो। आज तक मोये गांव मे सफाई कर्मी नइयां। जभे की हर गांव मे स्वाच्छ भारत के तहत सफाई कर्मी की नियुक्ति हे। मेने 17 फरवरी खा कुलपहाड़ तहसील दिवस मे दरखास देके सफाई कर्मी की मांग करी हे।
जैतपुर ए.डी.ओ. पंचायत मसूर अलि कहत हे की हमने जिला स्तर मे लिख के भेज दओ हे। पन्द्रह दिन के भीतर ऊ गांव में सफाई कर्मी भेजो जेहे।