गांव मा विद्यालय नाय

f gaowजिला फैजाबाद, ब्लाक पूराबाजार, ग्रामसभा शाहनेवाजपुर, गांव तिवारी का पुरवा। हिंआ गेदहारेन कै पढ़ै के ताई यहीं गांव  मा स्कूल नाय बना बाय।
नंगा यादव श्यामजी बताइन कि यहि गांव  मा प्राइमरी स्कूल नाय बाय हिंआ कै गेदहरै बाइपास हाइवे पार कइके दुसरे गांव  मा पढ़ै जाथिन। गाड़ी-मोटर बहुत चलाथै यही से डर लाग रहाथै कि कहूं कउनौ घटना ना होय जाये। गेदहरन का रोज पहुंचावै जाए का पराथै। अगर स्कूल बनत तौ वहि न जाए का परत। हमरे सबकै मांग रही कि गांव  मा एक स्कूल बन जाय। प्रधान भी कइव बार शासन से मांग करिन लकिन प्रस्ताव नाय पास भै। मजबूरी मा भेजै का पराथै।
प्रधान इन्द्रावती यादव बताइन कि हम एक महीना पहिले जिला से मांग  करे बाटेन। लकिन अबहीं कउनौ सुनवाई नाय भै।
पूराबाजार कै खण्ड शिक्षा अधिकारी अरुण वर्मा बताइन कि हम दुई महीना से पूरा ब्लाक देखत हई लकिन हमरे पास कउनौ अप्लीकेशन नाय आय बाय। स्कूल एक किलोमीटर के अन्दर मा हुवय का चाही। अउर तीन हजार कै आबादी हुवय का चाही तबै दूसर प्राथमिक विद्यालय बनें।