गांव मा नाय हुवत बाय टीकाकरण

जिला अम्बेडकर नगर, ब्लाक कटेहरी, गांव बसन्तपुर, वीरापट्टी, नरायनपुर, गोदमवा अउर रानीपुर। यहि गांवन मा लगभग पांच-छः महीना से टीकाकरण नाय हुवत बाय। न ही पोलियों कै खुराक पिलाए गै बाय। गांव कै दुलारमति, श्याम  बहादुर बताइन कि 30 जून 2014 का लड़की पैदा भै रही तीन महीना कै होइगै अबहीं तक एक्कौ टीका नाय लाग बाय। जबकी बी.सी.जी. कै टीका जन्म से बीस दिन के अन्दर लागि जाए का चाही। गांव के मनईन कै कहब बाय कि गांव मा टीकाकरण नाय हुवत तौ टीका लगवावै कहां जाई? सामुदायिक स्वास्थ्य केन्द्र लगभग बीस किलो मीटर दूरी पै बाय। यतना दूर बच्चन का लइके कइसे जाई टीका लगवावै। एक्कौ डाक्टर या स्वास्थ्य कर्मचारी देखै नाय आवत हइन की टीका करण हुवत बाय की नाय।ए.एन.एम. निर्मला पाण्डेय बताइन कि हम आठो दिन अपने डयूटी पै पूरा काम करत हई। आठ ग्रामसभा मा टीका करण कराईथी। ई सब गांव मिलाय के लगभग अट्ठारह हजार से ज्यादा आबादी बाय। यहमा कम से कम तीन ए.एन.एम. कै जरूरत बाय। यही कारण टीकाकरण नाय होय पावत। सामुदायिक स्वास्थ्य केन्द्र कै प्रभारी चिकित्साधिकारी  मुकेश  मिश्रा बताइन कि आशा , ए.एन.एमजानै कि टीकाकरण काहे नाय हुवत।