गर्मी के मौसम में एक ठंडी खबर, बाँदा से बनारस और हरिद्वार के लिए शुरू हई एसी बस

जिला बांदा, कस्बा बांदा हेंया के मड़इन का कहब है सबका साथ सबका विकास के झलक देखाई देत है। काहे से 21 मई का सदर विधायक प्रकाश िद्ववेदी दुई ए सी बस का उद्घाटन करिन हैं। बांदा से हरिद्वार अउर बांदा से बनारस जाये वाले दुई एसी बस चलाईं गयी है जेहिसे हेंया के मड़ई बहुतै खुश है।
बस कंडेक्टर अनिल कुमार त्रिपाठी का कहब है कि पहिले गरीब मड़ई एसी .बस मा सफर नहीं कई पावत रहै पै अब गरीब मड़ई भी बस मा सफर कई सकत है।
काहे से ए. सी . बस का किराया 20 प्रतिशत बस ज्यादा है बस मा सब सुविधा है। एसी लाग है नींक सीट बनी है यहिसे मड़इन का सफर करै मा सुविधा होई।
यात्री रामकिशोर बताइस कि एसी बस चले से बहुतै सुविधा होइ गे है। डग्गा मार वाले अउर प्राइवेट बस वाले मुंह मांगा रुपिया मांगत रहै अउर कत्तो बीच मा उतार भी सकत है।
मरीज अउर डिलेवरी करावे जाये वाली मेहरिया का भी बहुतै सुविधा होइ गे है। यहिनतान गांव-गांव मा ए. सी. बस चले लगे तौ भारत का नाम होइ। पहिले तौ मड़ई सरकार का नाम बस जानत रहै पै अब काम भी जानत है।
सदर विधायक प्रकाश िद्ववेदी का कहब है कि बांदा काशी बनारस अउर हरिद्वार जाये खातिर दुई एसी बस चलाई गयी है। सरकार सबका साथ सबका विकास करत हैं।

रिपोर्टर- गीता देवी

02/06/2017 को प्रकाशित