गन्दे परे तहसील के शौचालय

kulpahad kasba copyजिला महोबा, ब्लाॅक जैतपुर, कस्बा कुलपहाड़, तहसील कुलपहाड़ को शौचालय खुलो ओर टूटो परो हे। जीमें आफिस को सामान ओर कागज भरे परे हे। बाहर शौचालय लिखो हे। जीसे तहसील मे आयें वाले ओरते पेशाब के लाने परेशान होत हे।
कक्षा दस मे पढ़ वाली रेखा कहत हे की मे तहसील आय जाति प्रमाण पत्र बनवाउन आई हती। पेशाब लगी हे जीसे परेशान होके खुले मे पेशाब करें खा मजबूर हे।
राजकुमारी ओर प्रभादेवी कहत हे की एते दो पेशाब घर बने हे। एक तहसील के बाहर ओर एक भीतर। बाहर वाले पेशाब घर मे दरवाजा नई लगो हे। आदमी खुले जघा मे कहूं पेशाब कर लेत हे। पे तहसील जेसी जघा मे ओरतन खा बोहतई परेशानी होत हे।
ममता ओर गुलाब सिंह कहत हे की तहसील के भीतर जोन शौचालय बनो हे। ऊमें बाहर तो शौचालय लिखो हे, पे भीतर कमरा मे कागज भरे हे। जीसे आदमी या ओरते देख के भाग आउत हे। ऊपर की छत मे शौचलय बो हे तो कभऊं सफाई भी नई होत हे। तहसील जेसी जघा मे शौचालय की कोनऊ सुविधा नइयां। जभे की एते रोज आदमियन की लाइन लगी रहत हे।
कुलपहाड़ तहसीलदार रामजी कहत हे की रोड में बनो शौचालय हमाये अन्दर नई आउत हे। ऊपर के शौचालय की सफाई कराई जात हे। जोन तरे शौचालय बनो हे, ऊमे कोनऊ पेशाब ओर शौच नई करत हतो जीसे कागज ओर किताब भरी हे। अगर परेशानी होत हे तो पन्द्रह दिन के भीतर ऊखे खाली करा सफाई करा दई जेहे।

रिपोर्टर – श्यामकली