गन्दगी से मच्छरन के भरमार

कादौ से भरी रास्ता
कादौ से भरी रास्ता

जिला बांदा, ब्लाक नरैनी, गांव डढ़वामानपुर, मजरा फतेहगंज वार्ड नम्बर दस से बारह। हेंया एक साल से नाली पूरी परी है। या मारे मड़इन के घरन का गन्दा पानी पूर रास्ता मा फइलत है। प्रधान अउर पंचायत मित्र कउनौ ध्यान नहीं देत आय। गनेश, चुन्नू अउर इसामुद्दीन कहत है-“हमरे नाली पूरैं के कारन सड़क मा पानी भरा रहत है। जेहिसे बहुतै गन्दगी अउर मच्छर फइलत हैं। मच्छरन के कारन रात मा नींद तक नहीं आवत अउर बीमारी भी बहुतै फइलत है। यहिसे लागत है कि हेंया नाली बन जाय अउर ऊपर से सी.सी. पर जाय तौ आराम होई जाय।” प्रधान शान्ती का लड़का लाला का कहब है कि दस अउर ग्यारह वार्ड वाली रास्ता मा जबै सी.सी. परी तबै नाली बनी हैं। अब तौ दिनै दिन बरसात आवत है तौ मड़ई यहिनतान शिकायत करी।