गन्दगी से भरो शौचालय

DSCN0091 एते को सुलभ शौचालय दसन साल को बनो आय। अब ऊमें गन्दगी खा देख के अच्छो आदमी भी बिमार हो जेहे। ऊखे लाने स्टाप के कर्मचारी कोनऊ ध्यान नई देत हे।
कानपुर की सीमा बताउत हे कि मोये बेलाताल जाने हे, एई से एते बेठे हे। ऊने कहो कि बोहतई स्टाप ओर सुलभ शौचालय देखे हे, पे ई स्टाप के जेसे नई। काय से आदमी तो कहूं भी जाके टट्टी पेशाब कर आउत हे। अकेली ओरत किते जाये चारो केती आदमी देखात हे। बांदा कि श्याम ओर कबरई की सीता ने कहो कि हमें राठ रोड जाने हे। एते बेठे खा जघा हे ओर न पेशाब खा। कर्मचारी भी कोनऊ ध्यान नई देत हे। कुलपहाड़ बस स्टाप के इन्चार्ज रमेश सिंह ने कहो कि में अभे आओ हों। एते कोन­ऊ सफाई कर्मी नइयां, में खुद सफाई न करहों। महोबा परिवाहन विभाग के वारिष्ठ केन्द्र प्रभारी सुनील कुमार शर्मा ने बताओ कि कोनऊ प्राइवेट सफाई कर्मी खा बुला के ओते के शौचालय की सफाई कराई जेहे।