खेलत जुआं, घर में करत मारपीट

05-08-15 Mahoba MM - Manwati webजिला महोबा, ब्लाक चरखारी, गांव बम्हौरी बेलदारन। एते की मानवती को आरोप हे कि आदमी जुआं खेल के मारपीट करत हे। जीसे 30 जुलाई खा महोबा कचहरी में खाना खर्चा को मुकदमा लगा दओ हे।

मानवती बताउत हे कि दस साल पेहले महोबकण्ठ थाना क्षेत्र के बसरिया गांव में शिवकुमार के शादी साथे भई हती। तभई से आदमी शिवकुमार दारू पीके मोये साथे मारपीट करत हतो। मेंने सोचो की शायद सुधर जेहे, पे ऊ नई सुधरो। मोये छोट्-छोट् तीन बच्चा हे। जभे रात के जुआं खेल के घर आहे तो मोये लात घूसा से मारपीट करत हे। अगर कोनऊ बचाउत हतो तो ऊखे भी गाली गलौज करत हतो। गलत आरोप लगाउत हतो कहत हतो कि ऊसे काय बोलत हे। जभे मोसे मारपीट नई सही गई तो में अपने बच्चन खा लेके मायके आ गई। आदमी कहत हे कि एते आहे तो जिन्दा जला देहों। एई से मेनें मुकदमा लगा दओ हे। जीसे बच्चन को भरण पोषण हो सके।

ससुर मातादीन कहत हे हम कछू नई कहत हे ऊ दोनऊ आपस में लड़त हे।

आदमी शिवकुमार कहत हे कि में ऊखें रोज नई मारत हतो। मोसे खुद रोज लड़त हती।