खुला परा नाला आय दिन होत घटना

bandaजिला बांदा, ब्लाक नरैनी, कस्बा नरैनी,मोहल्ला कृष्णा नगर वार्ड नबंर तीन। हेंया के लगभाग दस लोगन का आरोप है कि उनके मोहल्ला का नाला दुई साल से खुला है। आय दिन बच्चा अउर जानवर गिरत हैं। विभाग नाला पटवावैं का नाम नहीं लिहिस।
गुडि़या बताइस कि बीस दिन पहिले वहिका लड़का आषीष या नाला मा गिर गा रहै। वहिके काफी खरोंच आई हैं। जानवर तौ रोज का गिरत हैं। एक महीना पहिले एक बछड़ा गिर गा रहै अउर तीन दिन पहिले एक पड़वा गिरगा रहै। बहुतै मुष्किल के बाद लोग रस्सी से बांध के निकारिन हैं। नगर पंचायत के अधिकारी नाला का बंद करावैं का नाम नहीं लेत आय। पता नहीं उनका कउन सी बड़ी घटना का इन्तजार है।
पप्पू का बाप कहत है कि पिछले साल मोर नाती या नाला मा गिर गे रहै। रात बिरात बाहरी लोग आवत हैं तौ अनजाने मा उंई भी गिर जात हैं। एक महीना पहिले दुई लोग रात के मोटर साइकिल से आवत रहैं तौ अंधरे के कारन नाला मा घुस गे हैं। मड़ई अपने-अपने दुआरे मा निकरैं भर का पटिया धई के रास्ता बनाये है। अगर पूरा नाला पट जाय तौ इनतान कि घटना न होय। चेयरमैन सुनीता चैरसिया के पति राकेश चैरसिया का कहब है कि नाला पटवावै खातिर कइयौ दरकी मांग कीन है। अगर बजट आई तौ जरूर पटवावा जई।