खुद से बनाउ अउर लाभ उठाउ

सड़क पर फैलल गंदगी
सड़क पर फैलल गंदगी

जिला सीतामढ़ी, प्रखण्ड सोनबरसा, पंचायत इन्दरवा, गांव दलकावा। उहां बहुत कम लोग के घर में शौचालय बनल हई बाकी लोग सड़क पर शौच के लेल जाई छथिन। जेई कारण सड़क पर चलनाई मुश्किल हो रहल हई।
उहां के लोग राम कैलाश पासवान, गोपाल कुमार, राजेश कुमार कहलथिन कि एही पंचायत में एन.जी.ओ द्वारा शौचालय बनवाएल गेल रहई लेकिन ऐई गांव में त कोई भी काम न कलकई।पुरा गांव के लोग सड़क अउर सरेह में शौच के लेल जाई छथिन। अभी बरसात में रात विरात जाये में बड़ा डर लगई छई। लेकिन कि करू अभी दोसर उपाय भी न हई।
मुखिया पति अयोधि पासवान कहलथिन कि अभी त नियम हई कि खुद से शौचालय बनवाउ अउर इंदिराआवास लाभार्थि के भी शौचालय बनावे के हई। लेकिन कोई न बनबई छथिन।
पी.एच.ई.डी. विभाग के कार्यपालक अभियंता सुद्धेश्वर प्रसाद यादव कहलथिन कि अब एन.जी.ओ. न बनवईथिन। खुद से शौचालय बनवा के फाॅर्म अउर फोटो के साथ कागज जमा करथिन तब उनका लाभ मनरेगा अउर पी.एच.ई.डी. दुनु विभाग से मिल रहल हई।