खाद न मिलैं से रोड करिन जाम

30-10-14 Kshetriya Banda - 2 webजिला बांदा। खाद न मिलैं से 6 जनवरी का पपरेंदा खाद सोसाइटी के सदस्य किसान कानपुर हाइवे रोड दुई घण्टा जाम करिन। 6 जनवरी का ही बदौसा क्षेत्रीय सहकारी समिति मा खाद लें आये किसान भी हंगामा करिन हंै।
ब्लाक नरैनी। अतर्रा अउर बदौसा खाद सोसाइटी मा खाद लें आये किसान मनोज अउर विंदा प्रसाद का कहब है कि अगर खाद समय से न दीन जई तौ आन्दोलन कीन जई।
बदौसा खाद सोसाइटी का बाबू कल्लू कहिस कि या सोसाइटी मा इक्कीस गांव के लगभग एक हजार किसान सदस्य हैं। चार सौ पचास बोरी खाद बांट दीन गे है। लगभग चार सौ किसान बाकी हैं खाद आवैं के बाद बांटी जई।
पपरेंदा खाद सोसाइटी मा खाद लें आये परसौड़ा गांव के बाबूलाल, खप्टिहा कला के कुलदीप, अलोना गांव के बड़े का कहब है-“या समय गेहूं के फसल मा यूरिया खाद के बहुतै जरूरत है। साथै नीम पाउडर भी जेहिसे फसल का कीड़ा लागैं से बचावा जा सकै, पै दस दिन से रोज खाद खातिर चक्कर लगावैं के बाद भी नहीं मिलत आय।” जाम खुलावैं खातिर मउके मा पहुंचे चिल्ला थाना एस.ओ., पपरेंदा चैकी पुलिस अउर सहकारी समिति का जिलाध्यक्ष गौरव सिंह जाम खुलाइन।
जिलाध्यक्ष गौरव सिंह कहिन कि या समिति मा चैदह गांव के एक हजार किसान सदस्य हैं। अबै तक मा कुल पांच सौ बोरी खाद आई है। 10 जनवरी तक मा एक ट्रक खाद अई तौ बांटी जई।