खबर लहरिया का मिला एक अउर पुरस्कार

kaifi azmi award taza 10 मई 2013 का लखनऊ शहर मा खबर लहरिया अखबार का कैफी पुरस्कार से सम्मानित कीन गा। या पुरस्कार उत्तर प्रदेश के मुख्यमंत्री अखिलेश यादव अखबार का दिहिन हवै। खबर लहरिया के साथै दुइ कवि का भी पुरस्कार दीनगा हवै। 

कैफी पुरस्कार दें का उद्देश्य हवै कि खबर लहरिया मड़इन के अपने भाषा का जिन्दा राखत हवै। पुरस्कार लें खातिर खबर लहरिया टीम से पांच लोग गये रहैं। या कार्यक्रम मा लगभग सात सौ मड़ई शामिल रहैं। कैफी आजमी एक शायर रहैं। जेहिके 10 मई्र 2013 का मौत होइगे रहै। उनके खुले विचार अउर समानता खातिर कीन गे काम के याद मा या कार्यक्रम मनावा गा। कार्यक्रम मा कैफी आजमी के बिटिया शबाना आजमी भी शामिल रहै। वा एक मशहूर फिल्म हस्ती अउर राज्य सभा के सदस्य भी हवै। खबर लहरिया अखबार का यहिके पहिले भी कइयौ पुरस्कार मिले हवंै। 2004 मा पत्रकार समूह का राष्ट्रीय स्तर का चमेली देवी जैन पुरस्कार दीन गा। 2009 मा संयुक्त राष्ट्र अन्तर्राष्ट्रीय पुरस्कार दिहिस रहै। 2012 मा लाडली मीडिया पुरस्कार मिला। इं पुरस्कार जेण्डर संवेदनशीलता खातिर मिले हवै। 2013 मा टी.वी चैनल टाइम्स नाओ भी खबर लहरिया का सम्मानित करिस हवै।