खदान धंसै से डम्पर ड्राइवर अउर मजूर मरगे

जिला चित्रकूट, ब्लाक कर्वी, भरतकूप, भौंरा पहाड़। हिंया खदान मा 30 दिसंबर 2014 का दुइ लोगन के मौत होय का मामला सउहें आवा हवै, पै 7 जनवरी तक परिवार वाले मुआवजा का भटतक रहंै।
गोड़ा गांव के आएशा का कहब हवै कि मोर मनसवा साबिर खां सुबेरे 6 बजे डम्पर लइके भौंरा पहाड़ गा रहै। वहिके साथै खैरा गांव का बुद्वराज भी रहै। भौंरा पहाड़ का ठेका लाखन सिंह अउर वहिका लड़का नरेन्द्र उर्फ कच्छू लीने हवैं। पहाड़ के खोदाई होत-होत पहाड़ गहरा होइगा रहै। वा दिन सौ फुट खदान मा मनसवा साबिर खां अउर बुद्वराज पत्थर लें गये रहैं, पै खदान धंसै से दब के मर गें। अब हमरे कमाये वाला कउनौ नहीं आय। मोर छोट-छोट चार बच्चा हवैं। मुआवजा मिल जाये तौ थोइ सहार होइ सकत हवै।
भरतकूप चैकी के प्रभारी के.पी. सिंह कहिन-“खदान मालिक लाखन सिंह के खिलाफ 287 (लापरवाही) 304 ए (गैर इरादतन हत्या) के धारा लाग हवैं।”
खदान मालिक लाखन सिंह से बात करैं खातिर कइयौ चक्कर लगाये, पै उंई नहीं मिले।