खतरा बने जर्जर तार

kasba lucknowजिला फैजाबाद, ब्लाक तारुन अउर जिला अम्बेडकर नगर, ब्लाक कटेहरी। हिंआ जर्जर अउर ढ़ील तार से पूरे क्षेत्र मा मुसीबत होय गेै बाय। जर्जर अउर ढ़ील तार से चारौ तरफ आगि लागत बाय तौ कहूं भीषण गर्मी से बिजली की र्ताइं मनई तरसत अहै।
कटेहरी कै सोनू, सुषमा, सुधा बताइन कि बहत्तर घंटा मा तीन-चार घंटा बिजली आय बाय। अउर एक तरफ ढीले तार लटकै से केतना आगि लागत बाय। तीन दिन मा मक्खापुर, अकारीपुर, खेमापुर 6-7 जगह पै गेहूं के खेते मा आगि लाग गै। बिजली उपकेंद्र वाले जइसे बिजली जोड़ा थे तुरंत आगि लाग जा थै। वहीं तारुन ब्लाक के रामपुर भगन मा लकड़ी कै बल्ली गाडि़के बिजली पंद्रहो साल से लेहे अहै जेकै तार जमीन मा छुवै वाला बाय।
श्याम लाल, रामचंदर जइसे कइयौ जने बताइन कि लगभग पंद्रह साल होइगा बल्ली गडे वही महसे केबिल खीचे अहैं अब गर्मी मा सब तार लटक के जमीन मा छुवै वाला बाय। जेसे खतरा होय सका थै। मेन रोड आय जानवर भी घूमा करा थे। सड़क के किनारे फसल लाग बाय। अब चारिव तरफ बिजली से या तेज हवा के कारण आगि लागत बाय जेसे बहुत नुकसान होय जात बाय।
कटेहरी उपकेंद्र कै एस.एस.ओ. एस.के. मिश्रा बताइन कि बिजली हमेशा दै जात बाय। शेष समस्या कै ऊपर से आदेश आये तबै होय।