क्या करते हैं बाँदा के लोग अपने स्मार्ट फ़ोन से

जिला बांदा, शहर बांदा स्मार्ट फोन के बारे मा कउन नहीं जानत है। स्मार्ट फोन का बारे मा खबर लहरिया के पत्रकार लोगन से बात करिन।
अशोक कुमार श्रीवास्तव का कहब है कि स्मार्ट फोन से हमका हरतान के जानकारी मिलत है। यहिके साथै साथ अगर दिमाग मा कउनौ चिंता रहत है तौ मनोरंजन खातिर गाना भी सुनै का मिल जात है। दूसर बात चित्र भी देख सकत हौं। यहिसे घर बइठे बइठे सबै काम होई जात हैं।
सरफराज का कहब है कि मैं स्मार्ट फ़ोन मा फेसबुक चलावत हौं। चाहे जउन जिला अउर शहर के बारे मा अउर रेलगाड़ी के बारे मा जानकारी लें का होत है तौ वा सबै मिल जात हैं।
विवेक कुमार वकील का कहब है कि मैं लगभग पांच साल से स्मार्ट फोन का इस्मातेल करत हौं। मैं कानून के बारे मा नई-नई जानकारी देखत हौं। या समय अमेरिका मा राष्ट्रपति का चुनाव होत है। यहिसे चुनाव के बारे मा का चलत है। वा सबै देखत हौं।
उपमा श्रीवास्तव का कहब है कि वाट्सप चलावत हौं। यहिसे घर बइठे जानकारी मिल जात हैं।
अगर एक दिन का भी वाट्सप बंद होई जात है तौ इनतान लागत है कि आज सबै कुछ अधूरा है।
रिपोर्टर- मीरा देवी
11/08/2016 को प्रकाशित

क्या करते हैं बाँदा के लोग अपने स्मार्ट फ़ोन से