कोई झोपडी में और कोई किराये पर, चित्रकूट जिले के सोती का पुरवा गांव के निवासी कॉलोनी के इंतज़ार में

जिला चित्रकूट, ब्लाक रामनगर, गांव सोती का पुरवा उत्तर प्रदेश सरकार लोहिया विकास मा गांव के मड़इन का आवास के सुविधा देत हवैं। पै हिंया के मड़इन का अबै भी आवास नहीं मिलें आही। गांव के मड़ई कहत हवैं कि प्रधान से हजार दरकी कहे हन पै कुछौ सुनवाई नहीं करत आय कहत हवै कि आपन व्यवस्था खुद करै। जिला चित्रकूट, ब्लाक रामनगर, गांव सोती का पुरवा उत्तर प्रदेश सरकार लोहिया विकास मा गांव के मड़इन का आवास के सुविधा देत हवैं। पै हिंया के मड़इन का अबै भी आवास नहीं मिलें आही। गांव के मड़ई कहत हवैं कि प्रधान से हजार दरकी कहे हन पै कुछौ सुनवाई नहीं करत आय कहत हवै कि आपन व्यवस्था खुद करै।  प्रधान भगवानदास कहत हवै कि एक दलित मड़ई का आवास मिला हवैं। जउन मड़इन का सूची मा नाम हवै प्रधान मंत्री आवास खातिर उनकर नाम का चयन भा हवै। शौचालय जउन मड़इन का मिला हवै उंई वहिकर इस्तेमाल नहीं करत आहीं।  सुन्दीदेवी बताइस कि किराया से रहित हन। प्रधान बी.डी.ओ सब से आवास खातिर कहेहौं पै हम गरीबन के सुनवाई नहीं होत आय। चुप्पी देवी बताइस कि मजदूरी कइके खइत हन हमें शौचालय आवास कुछौ नहीं मिले आहीं।  लाली देवी का कहब हवै कि जबै कत्तौ पेट ख़राब होइ जात हवै तौ हम शौचालय खातिर खेत जइत हन तौ मड़ई हमें गाली देत हवै। हमार न राशनकार्ड बना आय न कलोनी मिली आय कइयौ दरकी आनलाइन करा के कागज जमा करे हन पै आज तक कुछौ सुविधा नहीं मिली आय। उदयभान सोनकर बताइस कि मड़ई नहाये खातिर एक किलोमीटर दूरी जाये का पड़त हवै हम प्रधानी का चुनाव लड़े रहेन यहै कारन प्रधान कहत हवै कि आपन व्यवस्था अपने आप करो  विधायक प्रतिनिधि शक्ति प्रताप सिंह का कहब हवै कि पानी,राशनकार्ड,नाली,खड़जा,पेंशन समेत समस्या के 15 हजार दरखास  मिले हवैं।सबै समस्या मा काम होत हवै।

रिपोर्टर- सहोद्रा

09/06/2017 को प्रकाशित