केन्द्र मा नहीं मिलै नाश्ता खाना

k chatra ramnarजिला चित्रकूट, ब्लाक रामनगर,प्राथमिक स्वास्थ्य केन्द्र। हिंया केन्द्र मा बच्चा पैदा करावै वाली औरतन का 20 अउर  21 सितंबर का नाश्ता अउर दुपहरी के खाना नही मिला आय। यहिसे औरतैं अपने घर से नाश्ता खाना मंगवाइन तौ कउनौ का होटल से खरीद के नाश्ता खाना खाये का परा हवै।
ब्लाक रामनगर, घुरेहटा गांव के विद्या का कहब हवै कि बहू राजकुमारी के 20 सितंबर का लड़की पैदा भे रहै। वहिका केन्द्र मा नाश्ता खाना नहीं मिला। यहिसे लगभग पच्चीस किलो मीटर दूर अपने घर से नाश्ता खाना मंगवावै का परा। आवै जाये मा साठ रुपिया किराया भाडा़ लाग गा।
लौरी गांव, सुजानगंज पुरवा के रन्नू देवी का कहब हवै कि सरकार तौ सुविधा कीने हवै, पै यहिसे बादौ केन्द्र मा नाश्ता खाना नहीं दीन गा हवै। मोरे लड़की पैदा भे रहै। सुबेरे भूख लाग रहै। यहिसे होटल से खरीद के बीस रुपिया का नाश्ता खाये का परा हवै।
इटवां गंाव के गुडि़या कहिस कि 20 अउर 21 सितंबर का सात औरतन के बच्चा पैदा भा। उनका कउनौ का नाश्ता खाना नहीं मिला का फायदा सरकार के इनतान के व्यवस्था करै से कि खुदै खरीद के खाये का परत हवै।
रामनगर प्राथमिक स्वास्थ्य केन्द्र के प्रभारी डाक्टर नरेन्द्र कुरैचिया कहिन कि केन्द्र मा औरतन का नाश्ता खाना रोजै दीन जात हवै। अगर नहीं मिला तौ जांच कीन जई ।