कुसमा कहिस-ससुराल वाले लइ लिहिन जान

mahela mudda gondaजिला चित्रकूट, ब्लाक कर्वी, गांव गोण्डा । हिया के कुसमा का आरोप हवै कि लड़की आशा से 4 सितंबर का ससुराल वाले लड़ाई करिन। यहिसे आशा सल्फास के गोली खा के आपन जान दइ दिहिस। यहिके सूचना भरतकूप चैकी मा दीन गे, पै अबै तक ससुराल वालेन के खिलाफ कारवाही नहीं भे आय।
कुसमा का कहब हवै कि लड़की आशा के शादी तेरह साल पहिले मध्य प्रदेश, जिला सतना, गांव हरदुवा मा ओमप्रकाश साथै भे रहै। सास ससुर रोजै लड़त रहै। जबै कि आशा अपने सास से अलग रहत रहै। हरचट वाले दिन हरचट पूजै का लइके लड़ाई करिन। आशा गुस्सा मा आ के सल्फास के गोली खा के मर गे हवै। आशा के तीन बच्चा हवै। उनके देख भाल कउन करी।
आशा का देवर हरिप्रसाद का कहब हवै कि वा दिन मै घर मा नही रहौं। पता नही कि सास बहू के बीच कउन से बात भे जेहिसे इनतान भा हवै।
भरतकूप चैकी के पुलिस वाले एस.एन.पाण्डेय का कहब हवै कि तेरही होय के बाद ससुराल वालेन के ख्लिाफ कारवाही कीन जई।