कुछ मजदूरी लटकले हई

m
लागल पौधा

जिला सीतामढ़ी, प्रखण्ड सोनबरसा, गांव नरकटिया मुशहरी टोल के नौ गो मजदूर चार युनिट वृक्षा रोपण के काम कयले रहथिन। जेईमें कुछ मजदूरी मिललई अउर कुछ मजदूरी पौधा कम होय के कारण बांकी रह गेलई।
मजदूर मोहन माझी, गोनौर माझी, बरण माझी, राजेन्द्र माझी लगभग नौ गो मजदूर मिल के मठ से लेके नदी तकले चार युनिट में पौधा रोपण के काम कईली। ओकरा बाद देख-रेख के भी काम कुछ दिन कईली। जेई में भड़-भड़ मनुष के पौधा हो गेल रहई। लेकिन मजदूरी न मिलईत रहई। ओही बीच में देख-भाल करे के लेल सब छोड़ देलथिन। जेतना बड़का पौधा रहई से सब लोग उखार के ले गेलथिन। जब गिनती होलई त तीने युनिट के रूपईया मिललई अउर रूपईया काट लेलथिन। केतना मेहनत से पानी पटईली, लेकिन कछों  फायदा न भेलई।
मुखिया कारो देवी के पति अयोधि पासवान कहलथिन कि जे नियम होतई ओईमें दोसर कुछों न करतई। प्रखण्ड कार्यक्रम पदाधिकारी कुमार गौरव कहलथिन कि मनरेगा के नियम हई गिनती में अगर पौधा कमी हो जाई छई त रूपईया न मिलई छई।