किसानन खा धरना

20-11-14 Taza - Kisaan Dharna Tehsil 2जिला महोबा। महोबा तहसील परिसर में बुन्देलखण्ड में किसान यूनियन ने अपनी 13 सूत्रीय मांगन खा लेके 20 नवम्बर खा धरना करो हतो जीमें सैकड़न किसान शामिल हते। तहसीलदार गुलाब सिंह खा आपन ज्ञापन देके प्रधानमंत्री ओर मुख्यमंत्री खा भेजो हे।
राष्ट्रीय अध्यक्ष विमल कुमार शर्मा उपाध्याय ने बताओ कि सूखा घोषित होंय के बाद केन्द्रीय टीम सर्वे मे खाना पूर्ति कर गलत रिपोर्ट दई हे। जिला प्रभारी रूपचन्द्र तिवारी, संगठन प्रभारी बाला प्रसाद, जिला सचिव लखन सिंह ने कर्ज माफ सिंचाई संशोधन व अन्ना जानवर की समस्या ओर जोन क्षेत्र डार्क जोन घोषित हे ऊ क्षेत्र खा डार्क जोन से मुक्त करायें की मांग ज्ञापन में लिख के भेजो हे।                                                                                                                  

और भी हैं समस्याएं

ब्लाक जैतपुर, गांव मोहारी के माइनर में कम पानी आउत हे जीसे कमालपुरा ओर लाड़पुर के किसान पानी रोक लेत हें। मोहरी गांव के लगभग ढाई सौ किसानन की खेती सिंचाई खा परी हे।

मोहारी गांव के कछू दलित किसानन को आरोप हे कि लाड़पुर ओर कमालपुर के कछू दबंग किसान पानी पन्नी ओर पटेल लगा के पानी रोक लेत हे। हमाये केती एकऊ पानी नई आउत हे। तो ऊ गाली गलौज करत हे ओर जान से मारें की धमकी देत हे।
लाड़पुर गांव के किसान संन्तोष ने बताओ कि कम पानी आउत हे। जीसे खेत की सिचाईं नई हो पाउत हे। अपने खेत की सिंचाई करें के लाने पानी रोक लेत हे।