किराये पै चलत आंगनबाड़ी केन्द्र, नाय मिला किराया

01-07-15 Poora - Annganwadi Kiraaye par webजिला फैजाबाद, ब्लाक पूराबाजार। हिंआ कइयौ आंगनबाड़ी केन्द्र किराया पै चलत बाय। जउने कै साल भर से विभाग द्वारा किराया नाय मिला जेसे आंगनबाड़ी कार्यकत्री का बिना किराया देहे केन्द्र चलावै मा दिक्कत हुवत बाय।

दर्शननगर कै आंगनबाड़ी कार्यकत्री कुशुम अउर फैजाबाद रामनगर कै सरोज बताइन कि एक साल से ज्यादा होय जात बाय। किराया नाय मिला। रोज आंगनबाड़ी केन्द्र मा गेदहरन का लाइके पढ़ाई थी। मकान मालिक किराया मांगाथिन। कहां से किराया दी। जब विभाग से आये तब दिया जाये। मिनी आंगनबाड़ी एकता चैबे बताइन कि हम जवन आंगनबाड़ी केन्द्र किराये पै लेहे हई। वकै डेढ़ सौ रूपया किराया बाय। उहौ बरसात मा चुआथै। सब गेदहरै भीग जाथे। घरे.घरे बुलावै के ताई जाए तौ घरवाले भेजतिन नाय। कहाथिन भीग के बिमार हुवय के ताई आपन गेदहरा न भेजब।

बाल विकास परियोजना कै बड़ेबाबू माधुरी सिंह बताइन कि अबहीं विभाग द्वारा किराया कै पैसा नाय आय बाय। जब आये तौ इकट्ठा आये फिर सबका दै जाये।