का होत राशन कार्ड बने, नई मिलत गल्ला

2
रामदास ओर रामप्रसाद

जिला महोबा, ब्लाक चरखारी, गांव सूपा। ई गांव को आदमी ने बताओ कि जन्म से लेके बुढ़ापे के कगार में आ गये हें , पे अभे तक राशन कार्ड नई बने।
रामकिशन ओर मुन्ना अहिरवार बताउत हें कि राशन कार्ड नई बने। केऊ दइयां सर्वे भी हो चुको हे। कशिया बताउत हे कि में विकलांग हों अगर कोनऊ काम परत हे तो राशन कार्ड मंगाउत हे। प्रधान कौशल बताउत हें अभे राशनकार्ड नई बनत आय। राशनकार्ड बनहें तो सब आदमियन खे बनवाये जेहें ।

कबरई ब्लाक, गांव खम्हरिया के रामदास ओर राम प्रसाद अहिरवार बताउत हें कि हमाये लाल राशन कार्ड बने हें, छह महीना से हमें गल्ला नई मिलो हे। जभे कि राशन कार्ड में 26 जुलाई 2014 तक राशन चढ़ो हे। जोन तारीख अभे आई तक नइयां। काय से कोटेदार मैना देवी को आदमी राशन कार्ड जमा करे रहो हे। जभे थाने में रिपोर्ट लिखाई तभई राशन कार्ड दओ हे।
जिलापूर्ति विभाग के क्षेत्रीय इन्स्पेक्टर सलीम अहमद बताउत हे कि राम प्रसाद के नाम को राशनकार्ड कोनऊ मूलचन्द्र आदमी के नाम हे। ऊखों कम्प्यूटर में भी नाम हे। एई से गल्ला रामप्रसाद खा न देके मूलचन्द्र खा गल्ला दओ जात हे।