का सोंच करिस फैसला

DSC08667
धरना करत लोग

जिला चित्रकूट, ब्लाक कर्वी, गांव रेहुंटिया। या गांव का मानिकपुर तहसील मा आदेश उत्तर प्रदेश के मुख्यमंत्री अखिलेश सिंह यादव लगभग आठ महीना पहिले दिहिन रहै। या कारन मड़ई 27 मई 2013 का पटेल चैराहा मा धरना धरिन। यहिके पहिले भी कइयौ दरकी धरना अउर जुलूस निकारिन रहै ।
या मामला मा कर्वी एस. डी. एम. चन्द्र प्रकाश उपाध्याय से खबर लहरिया पत्रकार बात करिन तौ उनकर कहब हवै कि गांव के मड़ई ज्ञापन दें तौ सरकार के लगे ज्ञापन दीन जई जिला स्तर से या काम नहीं होइ सकत हवैं। या काम राज्य सरकार का आय।
रेहुंटिया गांव के हेमराज, मनोज, विष्णु दत्त अउर राम दीन समेत दस लोगन का कहब हवै कि एक तौ सरकार कउनौ नींक काम करैं का फैसला देर से करत हवै। अगर करत भी हवै तौ इनतान का फैसला करत हवै कि मड़ई पहिले से ज्यादा परेशान होइ जात हवै। या बात तौ नींक हवै कि मानिकपुर मा तहसील बनी, पै या बात सही नहीं आय कि रेहुंटिया गांव भी मानिकपुर तहसील मा लागी। रेहुंटिया गांव कर्वी के तहसील मा ही लागै। काहे से कि मानिकपुर के दूरी पच्चीस किलो मीटर परत हवै। जबैकि कर्वी के दूरी छह किलो मीटर हवै। यहिसे मड़इन का किराया भाड़ा अउर समय भी ज्यादा लागी। अगर हमार या मांग पूर न होइ तौ लखनऊ भी जइबे।