कार टकराय से दुई सगा भाई कै मउत

जिला अम्बेडकरनगर, ब्लाक कटेहरी, अन्नावां बाजार। हिंआ 3 जून कै एक ट्रक अउर कार आपस मा टकराय जाए से दुई सगा भाई कै मउत।
मृतक कै पिता रामधारी यादव क कहब बाय कि आजमगढ़ जिला के मोलनापुर गांव कै रहै वाला हई। बेटवा कमलेश यादव उन्तालिस साल कै सउदी अरब मा नौकरी करत रहिन। 3 जून कै सउदी अरब से लखनऊ आइन। तब उनका लियै छोट भाई मिथलेश यादव अउर उनकै बेटवा सनी यादव चैदह साल कै इनोवा कार लइके गइन। लखनऊ से कार मा बइठ के तीनौ जने आवत रहिन। फैजाबाद से अकबरपुर सड़क पै अन्नावां बाजार मा रात साढ़े ग्यारह बजे पहूंचा रहिन। सामने से एक ट्रक मा कार जाइके टकराय गै। कार मा बइठा तीनौं जने गम्भीर रुप से घायल होइ गइन। सूचना पै पहूंची अहिरौली थाना कै पुलिस घायल मनइन का जिला अस्पताल पहुंचाइन। वहि डाक्टर दुइनौ भाई का मृतक घोषित कै दिहिन। सनी कै हालत गम्भीर देखके लखनऊ ट्रामा सेंटर रिफर कै दिहिन।
अहिरौली थाना कै एस.ओ. ज्ञानेन्द्र सिंह कै कहब बाय कि शव पंचनामा कराइके पोस्टमार्टम खातिर भेज दियागै बाय।