कागज बस मा टीकाकरण गांव मा फइली खसरा के बीमारी

taja bour copyजिला चित्रकूट, ब्लाक कर्वी, कस्बा कर्वी, गांव रसिन, मजरा ब्यूर। हिंया के मड़इन का आरोप हवै कि उनके गांव मा खसरा के बीमारी लगभग पंद्रह दिन से फइली हवै। दूसर बात हिंया ए.एन.एम. विनीता टीकाकरण करै खातिर भी नहीं आवत हवै।
गांव के रामजस अउर रागिनी का कहब हवै कि हमरे बच्चन अउर गर्भवती औरतन का टीकाकरण नहीं होइ पावत हवै। गांव मा बारह बच्चा अउर बड़े मडइन का खसरा के बीमारी परेशान कीेने हवै। 16 मार्च का ए.एन.एम. विनीता आई रहै। वा गांव के मड़इन से गांव से बाहर दसखत करा के चली गे रहै। ए.एम.एम. विनीता कत्तौ टीकाकरण नहीं करत हवै। यहिसे बच्चा बिना टीका लगवाये रही जात हवैं। सरकार तौ गांवन मा टीकाकरण करावैं खातिर ए.एन.एम. के व्यवस्था कीने हवै, पै ए.एन.एम. घर बइठे सरकार से वेतन लेत हवै। स्वास्थ्य विभाग के टीम गांव मा झांकै तक नहीं आवत हवै। ए.एम.एम.विनीता से बात नहीं होइ पाई हवै।
सी.एम.ओ.प्रेम नारायण गोयल का कहब हवै हिन कि गांव मा टीम का भेजा जई। पता कीन जई कि ए.एम.एम. टीकाकरण काहे नहीं करत आय। यहिके बाद ए.एन.एम. के खिलाफ कारवाही कीन जा सकत हवै।