कहूं लाठी तो कहूं गोली से करी हत्या

बलबीर को परिवार
बलबीर को परिवार

जिला महोबा, ब्लाक कबरई, गांव तिंदुही पचपहरा। एते 18 नवम्बर 2014 खा शाम 6 बजे गांव के दिनेश ओर ऊखे परिवार वालेन ने मिल के बलबीर खा लाठी-डन्डा से मारे पे साठ साल के बलवीर की मोत हो गई हे। ओरत भूरी, लड़का हरिशंकर ओर बहू बिसन घायल हें इलाज खा महोबा जिला अस्पताल में भर्ती करो गओ हे।
हरिशंकर बताउत हे कि शाम खे दिनेश, राकेश, रणछोर ओर मलखान शराब पीके आये ओर गाली-गलौज करन लगे। मथुरा, लाल जी, भूरा, सुरेश ओर त्रिभुवन उर्फ भइयन के साथे लाठी-डन्डा, फरसा ओर कुल्हाड़ी लेके आये, ओर घर के भीतर घुसन लगे। मना करो तो मिल के मारन लगे।
खन्ना थाना एस.ओ. नन्दलाल भारती ने बताओ कि धारा 147, 148, (चार लोगों से ज्यादा हथियार से मारपीट करना) 304, 308 (जानबूझ के मरने की हालत में छोड़ना, ओर कोनऊ की मोत हो जाना) के तहत मुकदमा लिख गओ हे। मलखान, राकेश ओर गनेश पकर गओ हे।

राजाबाबू की ओरत मालती
राजाबाबू की ओरत मालती

ब्लाक कबरई, गांव सिजवाहा। 16 नवम्बर खा रात लगभग 12 बजे श्रीनगर थाना क्षेत्र के सिजवाहा गांव में प्रधान पति शत्रुघन, नीरज, मोतीलाल ओर तीरथ राजपूत पछाऊं से घर में घुस के राजाबाबू खा गोली मार के हत्या कर गई हे। ऊखी ओरत मालती के गोली लागे से जिला अस्पताल में भर्ती हे।
श्रीनगर थाना के एस.ओ. नयन सिंह ने बताओ कि धारा 302 (हत्या) ओर 307 (जान से मारने कोशिश करना) के तहत मुकदमा लिख गओ हे। अपराधियन अभे फरार हे ऊखे पकरे की कोशिश करी जात हे।