कहूं बिजली नाय तौ कहूं काटत कनेक्षन

govan finalजिला अम्बेडकर नगर, ब्लाक कटेहरी अउर जिला फैजाबाद ब्लाक मया। कहूं बिजली कै बिल जमा न करै के कारण कनेक्षन काटत अहैं तौ कहूं बिजली नाय लाग बाय। जेसे मनई का काफी दिक्कत कै सामना करै का परत बाय।
कटेहरी ब्लाक के करमदास पुर कै गुडि़या, निषा बताइन कि हमरे गांव मा आधे मा बिजली बाय आधे गांव मा बिजली नाय लाग बाय। लगभग पैतालिस घर कै मनई बिजली के ताई तरसत अहैं। करमपुर उसरा कै जगदीष, रामऔतार, लखराजी बताइन कि यहि गांव मा दादा, बाबा के जमाने से बिजली नाय लाग बाय। कउनौ तरह से बाहर से लावा जाथै तौ गांव कै दबंग मनई काट दियाथिन ऊपर से धमकी भी दियाथिन। पढ़ै वाले लडि़कै संगीता, मीना, मनोज बताइन कि बिजली न रहै से ढि़बरी जलाय के पढ़ै मा बुझ जाथै। करमदासपुर कै प्रधान रमाकान्त तिवारी बताइन कि राजीव गांधी विद्युत योजना के तहत अक्टूबर 2013 मा सर्वे होइगै रहा अब लाग जाये।
कटेहरी बिजली विभाग कै जेई दिनेष कुमार गुप्ता बताइन कि राजीव गांधी विद्युत योजना के तहत सर्वे भै बाय। जब सरकार के हिंआ से बजट पास होइके आये तब बिजली लागे।
जिला फैजाबाद, ब्लाक मया, गांव बैरीसाल। हिंआ कुछ मनई कै 23 जनवरी 2014 का बिजली कर्मचारी कनेक्षन काट दिहिन। रामगरीब, बच्चूलाल बताइन कि हमरे दुई घर कै बिजली काटा गै बाय। बाकी केहू कै नाय कटा बाय। गांव कै षिवपूजन अउर रामपूजन दुई जने से एक-एक हजार जमा कराय लिहिन कनेक्षन नाय काटिन। हमरे सब कहेन कि कुछ दिन कै मोहलत दै दिया तौ मानिन नाय। मया पावर हाउस कै एस.एस.ओ. विरेन्द्र तिवारी बताइन कि सरकार के हिंआ से एक मुफ्त समाधान योजना आय बाय जेहमा पचास प्रतिषत कै छूट बाय। जेतना उपभोक्ता हइन एक फारम भरै जेहमा एक हजार रुपया लागत बाय। ई योजना 1 जनवरी से 28 फरवरी तक चले यतने समय मा जे एक हजार जमा करे तौ ठीेक बाय नाहीं तौ कनेक्षन काटा जाये।।