कहीं-कहीं सुविधा

ऐम्बूलेंस
ऐम्बूलेंस

जिला सीतामढ़ी, प्रखण्ड बथनाहा, प्राथमिक स्वास्थ्य केन्द्र में लगभग ढ़ाई साल से 102 नम्बर ऐम्बूलेन्स खराब हई। सदर अस्पताल में भी डिलिवरी पेसेंट के लेल ऐम्बूलेंस के सुविधा न मिलई छई। जबकि जिला में कुल 23 ऐम्बूलेंस हई।
बथनाहा के ममता अउर ए.एन.एम. कहलथिन कि एम्बूलेन्स न रहे के कारण डिलिवरी पेसेन्ट के लावे अउर ले जाये में काफी परेषानी होई छई।
रीगा प्रखण्ड, गांव मेंहदी नगर के आषा कर्मी सुन्दरकला देवी कहलथिन कि सदर अस्पताल में प्रसव करावे जाई छी त ऐम्बूलेन्स के सुविधा न मिलई छई। लेकिन रीगा में प्राथमिक स्वास्थ्य केन्द्र पर ले जाई छई त ऐम्बूलेंस के सुविधा मिलई छई।
प्रखण्ड चिकित्सा पदाधिकारी निर्मल कुमार सिंह कहलथिन कि पहले एगो रहलई, लेकिन अभी दोसर ऐम्बूलेन्स अलई।
जिला स्वास्थ्य विभाग के डी.पी.ओ. रमन कुमार कहलथिन कि जहां सुविधा न हई उहां पर देल जतई।
जिला स्वास्थ्य सहायक शिशिर कुमार रधुवंशी कहलथिन कि रेफर वाला मरीज के लेल जिला में ऐम्बूलेंस हई।