कहीं उम्र का लिहाज और कहीं विचारों पर जोर, यूपी के मुख्यमंत्री चयन पर बांदा के मन की बात

जिला बांदा, ब्लाक महुंवा उत्तर प्रदेश मा नये मुख्यमंत्री का लइके केन्द्र अउर राज्य सरकार मा चर्चा चलत हवै। आवे वाले समय मा केहिका मुख्यमंत्री बनावा जई आओ जानित है। बांदा जिला के मड़इन से उनकर मन के बात, कि उंई केहिका मुख्यमंत्री पद मा देखे चाहत है।
सुरेन्द प्रसाद शिवहरे का कहब है कि भाजपा सरकार मा मुख्यमंत्री पड़ खातिर चार चेहरा सामने है। जेहिमा राजनाथ सिंह,योगी आदित्यनाथ,केशव प्रसाद मौर्य अउर मनोज सिंह का नाम शामिल है। मैं चाहत हौं कि केशव प्रसाद मौर्य का मुख्यमंत्री बनावा जाय।
मादान सिंह कहत है कि मुख्यमंत्री पद खातिर राजनाथ सिंह अच्छा लागत है।सन्तु गुप्ता अउर गणेश प्रसाद बताइन कि योगी आदित्य नाथ का मुख्यमंत्री बनावा जायें। काहे से वा संत मड़ई आय,वहिके आदत अउर विचार अच्छे है। यहै कारन वा उत्तर प्रदेश मा अच्छा काम करी।
रामकिशोर पांडेय अउर पुनीत पटेल का कहब हवै कि योगी आदित्यनाथ का मुख्यमंत्री बनावे का चाही काहे से उंई बुजुर्ग अउर ईमानदार हैं उनकर विचार अच्छे है।
भाजपा के सब मंत्री अच्छे हैं।
योगी अच्छा काम करत है अउर जनता का नीकंतान सम्भाल सकत है। यहिसे पुलिस अउर कानून व्यवस्था नींक होइ। संदीप अउर रामरूप का कहब है कि मनोज सिंह का मुख्यमंत्री बनावे का चाही। काहे से वा कम उमर का नींक उम्मीदवार हैं।अजय द्विवेदी बताइस कि मुख्यमंत्री वहिकाबने का चाही जउन पूर विकास करावै। जाति का भेदभाव, गुंडाराज ख़तम करावै।
कुछ जनता के सोंच सही साबित भे है। योगी आदित्यनाथ का मुख्यमंत्री बनावा गा है। उत्तर प्रदेश मा केत्ता विकास होई या तौ आवै वाला समय बताई।

रिपोर्टर- कविता और मीरा देवी

17/03/2017 को प्रकाशित