कला के माध्यम से सोच बदलै कै कोशिश

taza final 4 copyजिला फैजाबाद। किशोरियन मा मुद्दा के प्रति समझ एवं कला के प्रति रुझान पैदा करै के ताई कांमिक्स कार्यशाला कै आयोजन सामाजिक संस्था अवध पीपुल्स फोरम द्वारा 10 जून से 15 जून तक जेहमा ग्राजरुट कामिक्स कै स्टेट ट्रेनर श्रीमती विनीता कुशवाहा प्रतिभागियन का अपनी अभिव्यक्ति का कामिक्स के माध्यम से मनइन के बीच लै जाए कै कला सिखाइन।
विनीता कुशवाहा कै कहब बाय कि हम यहि सब बच्चियन मा ठोस मनोबल लावै चाहीथी। जवन पत्तथर के चट्टान के तरह अहैं। जे भी टक्कर लियै तौ खुद चोट खाय। हमार मेन काम लक्ष्य का पाउब आय। इनहीं बच्चियन के द्वारा बनाये चित्र के द्वारा मनइन मा फैले कुरीतियन का कम कीन जाये। चाहे ऊ लिंग भै हुवय या बाल विवाह, पर्दा प्रथा, छेड़छाड़ जांति पांति, दहेज नशा स्वच्छता जैसेन मुद्दा पै काम कइके समाज का दूषित करै वाले मनइन के अन्दर कला के माध्यम से दूर कीन जाये। जेसे मनइन कै सोंच बदलै।