करंट लागै से किसान कै मउत

जिला फैजाबाद, ब्लाॅक तारुन, गांव नेतवारी चतुरपुर। हिंआ के किसान दुर्गाप्रसाद कै 13 जून के शाम नलकूप स्टार्ट करत करत समय करंट लागै से मउत होइगै।
मृतक किसान कै भाई रमेश कूमार वर्मा बताइन कि धान के नर्सरी कै सिंचाई करै के ताई अड़तालिस साल कै दुर्गाप्रसाद वर्मा नलकूप स्टार्ट करै गइन। जैसे ही नलकूप स्टार्ट करै चाहिन करंट के चपेट मा आय गइन। आस पड़ोस कै मनई घरे सूचना दिहिन। इलाज के ताई जिला अस्पताल लै जात समय रास्मा मा मउत होइगै।
एस.डी.एम. अरुण कुमार मिश्र बताइन कि मृतक किसान के विधवा मेहरारु का पांच लाख कै सहायता राशि दीन जाये।