कभे रुकहे चोरी खा सिलसिला

घटना की जानकारी देत जितेन्द्र
घटना की जानकारी देत जितेन्द्र

महोबा शहर, परमानन्द चैराहा। एते 28 जुलाई 2014 खा जीतेन्द्र चैरसिया के दुकान में चोरी भई हे। जीमे ऊखो पन्द्रह किलो गैस को सिलेण्डर, पन्द्रह सौ रुपइया नगद के साथे दुकान को सामान चोरी हो गओ हे। ईखी रिपोर्ट महोबा कोतवाली में लिखाई हे।
जितेन्द्र ने बताओ कि हम महोबा शहर के पनागरपुर मोहल्ला में रहत हें। एते एक साल से में चाऊमीन बनायें की दुकान खोले हों। रोज के जेसे में 28 जुलाई 2014 खा रात 11 बजे दुकान बन्द करके घरे चलो गओ। 29 जुलाई 2014 खा सुबेरे 9 बजे अगल-बगल के दुकानदारन ने फोन करके बताओ कि तुम्हाये दुकान की चोरी हो गई हे। जभे मेंने आ के देखो तो पछाऊं से दुकान के बांस कटे हते। दुकान को जा हाल देख मोये होश उड़ गये। चोरी में सिलेण्डर, पन्द्रह सौ रुपइया नगद ओर बर्तन के साथे कोल्डडिंªक भी चली गई हें। चोरी होय की रिपोर्ट 29 जुलाई 2014 खा महोबा कोतवाली में लिखाई हे, पे अभे तक पुलिस चोरन खा पता लगाये में नाकाम हे।
महोबा कोतवाली के मंुशी राजबहादुर ने बताओ कि जितेन्द्र के दुकान में चोरी होय की दरखास आई हे। अभे जांच चलत हे। जांच की रिपोर्ट आये के बाद कारवाही करी जेहे।