कभे बनहें सी. सी. रोड

m-2

जिला महोबा, ब्लाक जैतपुर, कस्बा जैतपुर। जा रास्ता खराब होय से पूरे गली मे पानी भरो रहत हे।जीसे आदमीयन खा रात विरात निकरे मे बोहतई परेशान आउत हे।
एते के रहें वाली रानी, सीताराम, आशा ओर राजू ने बताओ कि ई बजरिया मोहल्ला वार्ड नम्बर सात में करीब 2 सौ मीटर रास्ता में चीरा डरे हे। ऊ भी उखड़ गये हें। जीसे हम लोगन खा निकरें में बोहतई परेशानी आउत हे। गर्मी में चीरा तप जात हे ओर ध्यान न देय से पांवन मे लग जात हे, जीसे बोहतई चोट आउत हे । बरसात में पानी भर जात हे। जा भी नई दिखात आय की किते चीरा हे किते नइया। छोटे छोटे बच्चा तो निकर नई पाउत हे। कायें से दिखात नइयां ओर पैर गप जात हे। हम चाहत हे कि एते भी सी. सी. डर जाये। जीसे हम लोगन खां निकरे में परेशानी न आहे। प्रधान हरिमोहन द्विवेदी ने बताओ कि अभे मेन सड़के बन रई हें ऊखे बने खे बाद बजट पास होहें। ओते खां रास्ता बनवा दओ जेहे।