कब मिलेगा इस दबंगई से छुटकारा? चित्रकूट में की बलात्कार की कोशिश और लड़की हुई बुरी तरह से घायल

जिला चित्रकूट, ब्लाक कर्वी, गांव गोबरिया खुर्द आयशा के परिवार वालेन का कहब हवै कि शमीम वहिके साथै बलात्कार करे के कोशिश करत रहै जबै वा बलात्कार नहीं कइ पावा तौ आयशा के गोली मार दिहिस हवै। पुलिस शमीम का 18 जुलाई का पकड़ के जेल भेज दिहिस हवै।जिला चित्रकूट, ब्लाक कर्वी, गांव गोबरिया खुर्द आयशा के परिवार वालेन का कहब हवै कि शमीम वहिके साथै बलात्कार करे के कोशिश करत रहै जबै वा बलात्कार नहीं कइ पावा तौ आयशा के गोली मार दिहिस हवै। पुलिस शमीम का 18 जुलाई का पकड़ के जेल भेज दिहिस हवै। आयशा का देवर अशरफ का कहब हवै कि हमार भाई सूरत मा रहत हवै कल वापस सूरत गा हवै। शमीम रिश्ते मा भतीजा लागत हवै। पता नहीं वा कसत भाभी आयशा के कमरा मा चला गा अउर वहिके गोली मार दिहिस हवै। सास बटोलिया बताइस कि हमार कुछौ लड़ाई झगड़ा नहीं रहै पता नहीं शमीम आयशा के इज्जत खातिर घुसा रहै कि धन लूटे खातिर घुसा रहै। शमीम काला कपड़ा पहिन  के अउर मुंह बांध के आवा रहै। शमीम का छोट नाती बंदूक लइ के भागत देखिस हवै काहे से नाती  आयशा के लगे सोवत रहा हवै पड़ोसी शिवकरन बताइस पहिले से तौ कुछौ झगड़ा नहीं रहै आयशा के इज्जत लूटे खातिर शमीम वहिके घर घुसा रहै। रिश्तेदार जैनब बताइस कि आयशा साया ब्लाउज पहिने आई हवै अउर बताइस कि शमीम मोहिका गोली मार दिहिस हवै तबै का चित्रकूट मा लइगे हन बाद मा वहिका इलाहबाद रिफर कइ दीन गा हवै जहां वा जिन्दगी अउर मउत के बीच जूझत हवै। अपर पुलिस अधीक्षक बलवन्त चौधरी का कहब हवै कि 35 साल के मेहरिया साथैशमीम बलात्कार करे के कोशिश करिस हवै अउर वहिका गोली मार दिहिस हवै।   घटना के जांच चलत हवै। अपराधी का कड़ी से कड़ी सजा दीन जई।

रिपोर्टर- नाजनी रिजवी

Published on Jul 20, 2017