कबै बनी पुलिया

इनतान के पुलिया
इनतान के पुलिया

जिला चित्रकूट, ब्लाक रामनगर, गांव करौंदी कला। हिंया एक बरस से पुलिया टूट हवै। रोजै के हजारन मड़ई हिंया से आवत जात  हवै। टूट पुलिया घटना का इंतजार करत हवै।
हिंया के कामता अउर कल्लू समेत पांच लोगन का कहब हवै कि पुलिया टूटे एक बरस होइगा, पै अबै तक प्रधान कउनौ ध्यान नहीं देत आय। आवैं जाये वाले मड़इन का बहुतै दिक्कत होत हवै। छोट-छोट बच्चन का डेर बना रहत हवै कि कत्तौ पुलिया मा न गिर जाये। पुलिया बन जाये तौ या समस्या दूर होइ जाये अउर आवैं जाये वाले मड़इन का आराम होइ जाये।
प्रधान बाबूलाल का कहब हवै कि अबै नाली बनवावत रहे हवै। जबै बजट अई तौ पुलिया बनवा दीन जई।