कत्तौ बनी की न बनी सड़क

karvi photo ganva se khabar (1)जिला चित्रकूट। सरकार चाहे जेत्ता कहे कि बुन्देलखण्ड के हर गांव के या राष्टीय मार्ग सड़क के हालत बहुतै नीक हवै पै चित्रकूट जिला के मऊ ब्लाक के गांव छिवलहा से बरगढ तक के तीन किलो मीटर सडक के हालत पिछले तीन बरस से खराब हवै ।
मडई मऊ से इलाहाबाद जाये खातिर ढेरात रहत हवै काहे से कि पांच किलो मीटर यात्रा करब नहीं खलत आय बलकी छिवलहा से बरगढ तक तीन किलो मीटर यात्रा करव बहुतै खल जात हवैै। बसन के हालत भी विगड़ जात हवै। मड़इन के पेट उखड जात हवै कत्तौ हाथ गोड मा भी चोट लाग जात हवै। सडक मा बडे बडे गिटटी कई महीना से पडे हवै। उंई भी उचक उचक के बसन अउर जीपन मा लग जात हवै पै सरकार होय या जिला प्रषासन आज तक सडक नहीं बनवइस आय। तीन बरस मा पन्द्रह दरकी तहसील दिवस अउर पी.डब्लू.डी डी.एम. एस.डी.एम. का दरखास दइ चुकेहन पै आज तक हमार सुनवाई नहीं भे आय। या सड़क से लाखन बाहन रोज निकरत हवै पता नही कबै बनी। हमार गांव के या सड़क से पैदल चलै वाले भी चोटा जात हवै। साइकिल तौ रोजै पंचर होत हवै या बात गांव अउर आये जाये वाले मडई कल्लू, मोहन, समसेर पप्पू, कैलाष छेदीलाल समेत बीस मडई बताइन हवै।
या मामला मा कर्वी पी.डब्लू.डी. विभाग मा बात कीन गे हुवा के सहायक अभियंता एस.दास. का कहब हवै कि वइसे तो सडक सासी से बनी पै एक बार पता कइ के देख ले कि काहे नहीं बनत आय अगर हिंया से बने लाइक होइ तो बन जई!