कत्तो बदली बुन्देलखण्ड के सड़कन के हाल कि नहीं

सरकार हर रोज कहत हवै कि सड़कन के हालत ठीक करवाई जात हवै, पै बुन्देलखण्ड के सड़कन के हाल बहुते ख़राब हवै। हम बात करित हन चित्रकूट जिला के सड़कन के बारे मा चाहे सड़क राष्टीय राज मार्ग हो या गांवन के हो सबै के हालत बेहाल हवैं।योगी सरकार कहत रहै कि सड़कन का गढ्ढा मुक्त करवा दिन जई, कहा उनकर आदेश सड़क?
कर्वी से इलाहाबाद 120 किलो मीटर सडक के हाल देखतै बनत हवै। तीन घंटा के जघा मडई का घर पहुँचे मा पांच घंटा लागत हवैं| सड़क मा बड़े-बड़े गढ्ढा हवैं जेहिसे आये दिन एक्सीडेंट होत रहत हवैं| तबहूं सरकार का या समस्या नहीं देखात आये का ? एक्सीडेंट होए से कइयो लोगन के मउत होइ  जात हवै।
आखिर सड़क ठीक करवावै के जिम्मेदारी केहिकर हवै? का सड़क यहिनतान रही ? या सरकार कुछो हल निकाली सड़क ठीक करवावै खातिर? अगर पीडब्लू डी विभाग से बात करै तो उई कहत हवैं कि हम जिम्मेदार नहीं हन या सड़क सरकार जबै आदेश देई बनवावे खातिर तबहिन् हम बताऊब कि सड़क कब बनी ? आखिर सड़क बनै खातिर जउन बजट आवत हवै वा कहा जात हवै ?