कचरा निकारैं के बाद लगा देत ढेर फेर देर मा उठावत कचरा

DSCN3367
सड़क मा भरा कचरा

 

जिला चित्रकूट, ब्लाक कर्वी, कस्बा कर्वी, मुहल्ला लक्ष्मनपुरी, वार्ड नम्बर छह। हिंया एक हफ्ता से नगर पालिका कइती से नाला के सफाई होत हवै तौ पूर रास्ता मा कचरा फइला हवै। या कारन सैकड़न मड़इन का निकरैं मा परेशानी होत हवै।

रश्मि, रीता समेत पन्द्रह लोगन का कहब हवै कि नगर पालिका तौ नाला के सफाई करवात हवै। तौ नींक हवै पै कचरा जल्दी नहीं उठावत आय। या से मुहल्ला वालेन का निकरैं मा परेशानी होत हवै। कचरा का ढेर लागै के कारन मड़ई मिशन रोड से घूम के चार पहिया अउर पैदल चलै वाले सबै मड़ई निकरत हवै। कचरा निकारै के बाद जल्दी उठा लें तौ या परेशानी न उठावै का परै। या बात का लइके खबर लहरिया पत्रकार नगर पालिका अध्यक्ष नीलम करवरिया से बात करिन तौ उनकर कहब हवै कि हुंवा के सफाई करवा दीन जई। खबर लहरिया पत्रकार के बात करैं के एक दिन बाद कचरा साफ कइ दीनगा हवै।